Hurt na hurt daw sina SP Alan Peter at Sen Pia Cayetano na walang nangumusta sa kanila matapos ang putukan sa Senado. With matching crocodile tears pa si Ate Pia. Ayun pala, kinumusta sila ng ilang minority senators sa group chat. Anong drama yon?
Kitang kita pati sa news reports at mga FB live at selfie nila mismo na the guys and gals of the new majority were unharmed. Even, that they were all quite pleased with themselves, having successfully established the Duterte Bloc as the majority — thanks to the four balimbings and the ICC fugitive who made a surprise appearance, and disappearance — which means hawak ngayon ng DDS ang impeachment trial, ligtas na si VP Sara.
Yun naman talaga ang point, di ba? To take control of the trial, find devious lawyerly ways to archive the case again or, barring that, to disallow the body of evidence that show probable cause? Kaya hindi kapanipaniwala ang chismis ni Sen Imee na ayaw din ni PBBM na matuloy ang trial dahil maa-acquit lang si VP at mananalo sa 2028 — mas gusto daw ni PBBM na mabawi ang majority at pagkatapos ay mag-ConAss para no-elections na lang sa 2028, or something wild like that.
Bottom line, ang mantra ng DDS ay: huwag nang ituloy ang trial dahil maa-acquit naman, sayang lang ang gastos at oras at pagod.
Sey ko naman, kahit pa mangyari na maa-acquit lang ang VP, importante pa rin na masaksihan at masubaybayan ng bayan ang paglilitis, marinig ang mga ebidensiya, gayon din ang mga depensa ni VP Sara, sapagkat iyan mismo ang hinihingi ng bayan, na ipinapahiwatig ng overwhelming YES to impeachment ng 214 (of 254) congressional district reps and 42 (of 64) partylist reps. Sigaw ng SuperMajority across the archipelago ang Impeachment Trial, no ifs or buts.
Kaya ang masasabi ko lang sa Cayetano sibs na nagtatampo dahil di sila kinumusta after the putukan na wala namang nasaktan: Wala ring nangumusta sa aming mga madlang pipol matapos kaming bulagain at galitin ng panibagong kudeta sa senado para protektahan na naman si VP Sara. Akala ba ninyo ay puro kami closet DDS na pumapalakpak at nagdiriwang? Nakakapanlumo, sa totoo lang. Hurt na hurt din kami. Kumustahin niyo naman kami.
*